कतार मा कार्यरत नेपाली को लागि आयो निकै खुसीको खबर अब रोजगारदाताको अनुमतिमा पार्टटाइम काम गर्न पाउने

Loading...

हेर्नुहोस भिडियो

रोजगारदाताको अनुमतिमा पार्टटाइम काम गर्न पाउने
कतारका रोजगारदाताले आफूसँग कार्यरत कामदारहरुलाई ६ महिनाको लागि अर्को रोजगारदाताकहाँ काम गर्न जान लिखित अनुमति दिने सक्ने आन्तरिक मन्त्रालयले जनाएको छ । त्यस्तो अनुमति त्यत्ति अवधिको लागि नवीकरण पनि गर्न सकिने मन्त्रालयले जनाकारी गराएको छ ।

कामदारले पनि आफ्नो सुरुको रोजगारदाताको लिखित अनुमतिमा अर्को रोजगारदाताकहाँ पार्टटाइम काम गर्न सक्ने व्यवस्था गरिएको मन्त्रालयले जनाएको छ । नयाँ आवासीय कानुनका प्रमुख विशेषतामाथि प्रकाश पार्ने क्रममा मन्त्रालयले कतारी आवास अनुमतिपत्र भएको आप्रवासी ६ महिनाभन्दा बढी समय मुलुक बाहिर बसेको भए पनि ऊ तोकिएको जरिवाना तिरेर एक वर्ष भित्रमा रिर्टन भिषामा कतार फर्किन सक्ने जनाएको छ ।

कतारी आवास अनुमतिपत्र भएको विदेशी नागरिकले उचित कारण छ भने अध्ययन अघि बढाउन चाहने छोराहरुका लागि छोराहरु लागि छोराहरु २५ वर्ष नहुन्जेल र अविवाहित छोरीको लागि आवासीय अनुमति पाउने मन्त्रालयले जनाएको छ ।
नवजात शिशुले जन्मेको वा कतार प्रवेश गरेको मितिले ९० दिनभित्र आवास अनुमति पाउन सक्छ । यसका लागि उसका अभिभावसंग वैध कतार आवास अनुमतिपत्र हुनुपर्नेछ ।

भिजिट भिषामा वा अन्य प्रयोजनको लागि कतार आउने विदेशीको हकमा उनीहरु ३० दिन भन्दा बढी अवधि बस्दैनन् भने अनिवार्य स्वास्थ्य जाँच गराउनु नपर्ने मन्त्रालयले प्रस्ट पारेको छ । भिषा अवधि सकिएपछि पनि नवीकरण गरेनन् भने त्यस्ता विदेशी कतार बस्न पाउने छैनन् ।
तर साबिकको रोजगारदाताको अनुमतिबिना अर्कोकोमा काम गर्न आप्रवासीलाई कानुनले प्रतिबन्ध लगाएको छ ।

राजधानी अन्तर्राष्ट्रिय साप्ताहिक बाट साभार
source qnradio.com\/5173
Share this video :

Post a Comment